Љубовната приказна на Шакира и Жерар Пике имаше тажен крај.
Љубовната приказна на пејачката Шакира (49) и пензионираниот фудбалер Жерар Пике (39) имаше тажен крај. Во јануари 2023 година, Шакира објави песна во која откри дека нејзиниот долгогодишен партнер ја изневери.
Двојката се запозна во Мадрид во 2010 година на снимањето на видеото за навивачката химна на Светското првенство „Waka Waka“. Тој ја шармираше и рече дека ќе се обиде да го освои Светското првенство само за да може повторно да ја види во финалето. Сè испадна точно онака како што сакаше.
Но, потоа ја изневери со студентката Клара Чиа Марти (27), а Шакира не сакаше да му прости за неговото неверство. Двојката помина неколку месеци на суд за старателството над нивните две деца, а беше договорено синовите да живеат со својата мајка, но празниците и поголемиот дел од летото да ги поминат со својот татко. Шакира се пресели од Барселона во Мајами со своите деца и започна нова фаза од својот живот.
Деновиве, на социјалните мрежи почна да кружи фотографија со коментарот на Шакира на Инстаграм.
Деновиве, на социјалните мрежи почна да кружи фотографија со коментарот на Шакира на Инстаграм.
„Многу си убава, но прати ми пари за децата што немаат чевли за на училиште“, напиша Шакира. Дотичниот коментар не може да се најде на социјалните мрежи, па затоа е можно да е избришан или обработен во фотошоп.
Повеќето следбеници веднаш се посомневаа во автентичноста на фотографијата, а некои дури и се пошегуваа.
„Шакира не го напиша тоа“, „Нема шанси ова да е вистина“, „Која големина носи малата?“, „Ајде сите да се здружиме за Шакира“, напишаа тие.