„Париска недела на висока мода“ е во полн ек, а…
Неделата на висока мода во Париз е во полн ек, а веќе елегантниот град сега е целосно преплавен со шик комбинации.
Собивајќи ги најистакнатите луѓе од целиот свет, овој ексклузивен момент во модниот календар е еден од најдобрите за инспирација за уличен стил. Седејќи во првиот ред на ревијата на високата мода на Кристијан Диор за пролет/лето 2026, Џенифер Лоренс покажа стил што со задоволство ќе го копираме за сите наредни пригоди.
Актерката имаше опуштен пристап кон изгледот.
Таа избра долги фармерки до подот. Додека тексасот се спушташе до плочките, речиси целосно ги покриваше нејзините чевли, освен елегантниот, зашилен врв што ѕиркаше од под рабовите.
Токму оваа остра форма внесе силен контраст на лежерната силуета на фармерките – давајќи ѝ на комбинацијата структура и софистицираност, без впечаток дека сè е премногу наметнато или неприродно, според „Ел“.
Следејќи ги чистите линии на обувките, Џенифер го комплетираше изгледот со совршено скроен црн капут и драматичен детаљ од крзно, додека елегантната кожна чанта во нејзината рака додаде доза на гламур на инаку поедноставениот тексас изглед.
Оцена
Иако фармерките додадоа интересен детаљ на облеката, сметаме дека изгледаат несмасно бидејќи се предолги, и би било подобро да бидат малку скратени за да бидат попрактични и да ни овозможат да ги видиме чевлите на Џенифер. Генерално, на овој моден момент му даваме оценка 9/10.
Како ви се допадна нејзиниот избор?