Доколку ви треба брзо решение за дополнителен десерт на масата, обавезно пробајте го овој рецепт за колачиња од три состојки. Рецептот е толку едноставен што нема да ви треба миксер или дополнително ладење на тестото во фрижидер.
Сè што ќе ви треба од „опремата“ е голем сад, лажица за мешање, плех за печење и хартија за печење. Тестото не содржи никакви средства за растење, тие се крцкави однадвор и меки одвнатре.
Состојки:
220 грама солен путер
250 грама брашно
200 грама кафеав шеќер
Подготовка:
Оставете го путерот на собна температура да омекне. Исто така, ако немате солен путер, додадете прстофат сол додека мешате. Измешајте го омекнатиот путер со шеќерот.
Потоа додадете го брашното, мешајте повторно додека не добиете хомогена смеса. Обликувајте го тестото во топчиња со дијаметар од околу пет сантиметри. Ставете ги на плех обложен со хартија за печење.
Израмнете ги врвовите пред печење за да обезбедите рамномерно печење. Печете ги колачињата 10 до 12 минути на 175°C, додека не добијат златно-кафеава боја на рабовите. Оставете ги да се оладат во тавата пет минути, а потоа се готови за уживање.