Лимоните се задолжителни во кујната, а можат да се користат и за чистење. Ако сакате постојано да имате свежи лимони, лесно можете да одгледувате свое дрво дома.
Ви треба зрел лимон, пластичен сад со капак, хартиени крпи, земја, вазна и пластична кеса.
Извадете ги семките од лимонот, ставете ги меѓу влажни хартиени крпи во сад и покријте. Чувајте го садот на светло место, но не на директна сончева светлина. Првите изданоци ќе се појават за околу две недели.
Кога растенијата ќе никнат, пресадете ги во садови со земја, покријте ги со пластична кеса и оставете ги околу 30 дена. После тоа, редовно полевајте ги и трпеливо чекајте растението да порасне и да почне да дава лимони.