Тејана Тејлор честопати беше во центарот на вниманието поради своите оригинални и смели модни избори, а овој пат ги изненади сите појавувајќи се во таканаречен гол фустан. Нејзините впечатливи модни комбинации се должат и на реномираните модни куќи чии парчиња ги носи, и на нејзиниот уникатен стил, склон кон ексцентричност и смели комбинации на различни елементи од облеката, по кои одамна е препознатлива.
На фестивалот Коачела, Тејана Тејлор се појави во многу впечатлива модна комбинација.
Фустанот што го носеше всушност беше комбинација од боди подигнато високо над колковите и метална мрежа што ја имаше преку неа. Целата креација беше украсена со сребрени детали што личеа на капки вода, што му даваше на аутфитот футуристички и многу ефектен изглед.
Целиот изглед го надополни со внимателно одбрани детали. Особено се издвојуваа футуристичките очила за сонце од куќата на “Скијапарели”, кои беа многу впечатливи и тешко беше да не се забележат. Покрај нив, таа носеше и пирсинг на усните, како и помасивен накит во форма на нараквици, обетки и прстени, што дополнително го нагласуваше нејзиниот смел и експериментален стил.
Нејзиниот футуристички стил наиде на позитивни реакции и од љубителите на модата и од оние кои не ги следат редовно модните трендови, но се способни да ја препознаат и ценат оригиналноста и креативноста во облеката.