Актерот стана татко на 54 години
Актерот Џастин Теру и неговата сопруга и колешка Никол Брајдон Блум станаа родители на машко бебе, а добрата вест ја споделија со своите следбеници на социјалните мрежи.
Заедно со црно-бела фотографија од бебето како спие на неговите гради, новите родители накратко објавија дека нивниот син е роден и дека се пресреќни. Објавата набрзо беше преплавена со честитки од бројни познати личности.
Нивната љубовна приказна започна во 2023 година и долго време беше чувана во тајност. Гласини за свршувачка се појавија кога Никол се појави со дијамантски прстен, а набргу потоа следеше тајна венчавка во 2025 година.
Веста за бременоста се појави кон крајот на минатата година, кога таа за прв пат го покажа својот труднички стомак на јавен настан.
Пред овој брак, Џастин Теру беше во брак со Џенифер Анистон. Нивната романса започна во 2011 година, се венчаа во 2015 година, но раскинаа во 2017 година. Сепак, и покрај разводот, тие останаа во добри односи, за што актерот постојано зборуваше.
Никол Брајдон Блум е колешка на Џастин, млада актерка и ќерка на познатиот новинар Дејвид Блум. Теру еднаш откри дека се запознале на забава и дека веднаш бил привлечен од неа, а нивната врска брзо се развила.
Џастин Теру сака да ги држи своите љубовни врски подалеку од очите на јавноста. Сепак, овој пат реши да ја сподели најдобрата вест – дека станал татко.