Американската пејачка Кети Пери привлече внимание за време на посетата на Рим кога наместо монети, стави кредитна картичка во Фонтаната Треви.
Пери објави видео на Инстаграм од бизарната ситуација.
„Ви кажав во „Save as Draft“ дека не се замарам со кусур“, рече таа во видеото, осврнувајќи се на нејзината песна, која ја содржи стихот: „Не се замарам со кусур, но во последно време многу фрлам монети наоколу“.
„Чувствувам дека треба да ставам нешто во Фонтаната Треви за среќа“, продолжи таа, додека беше видена како ја потопува кредитната картичка во водата и ја фаќа пред да потоне.
Легендата вели дека фрлањето монети во познатата римска фонтана носи среќа.
„Едноставно се шетам низ Рим“, напиша таа во описот на фотографиите и видеата од нејзиното патување на Инстаграм.
Нејзиното патување во Рим доаѓа по обвинувањата од Руби Роуз дека сексуално ја нападнала пред 20 години. Пери е под истрага на полицијата по обвинувањата.