Многумина го пофалија нејзиниот став дека не се обидува да ги крие своите години.
Салма Хајек повторно го привлече вниманието на јавноста, овој пат на доделувањето на наградите „Breakthrough“ во Лос Анџелес, каде што не се двоумеше да ја покаже својата седа коса. Актерката ја стилизираше косата во елегантна пунџа, а сребрените прамени јасно се истакнуваа на темната позадина, бидејќи фризерот не ги криеше, туку дополнително ги нагласуваше. Со тоа, таа испрати јасна порака – не ги крие своите години, туку ги носи со гордост. Стајлингот го комплетираше со долг црн фустан со цветни детали и дискретни светки, додека впечатливиот накит дополнително го нагласуваше нејзиниот изглед. Нејзината шминка беше минимална, во топли тонови, со благ ефект на „мек гламур“. На црвениот тепих друштво ѝ правеше нејзиниот сопруг Франсоа-Анри Пино.