Мерил Стрип, Ен Хатавеј и Емили Блант се согласија на ист надомест од 12,5 милиони долари за нивното враќање во „The Devil Wears Prada 2“, со дополнителни бонуси поврзани со заработката од бокс-офисот, објави „Variety“.
Мерил Стрип беше клучен играч за 20th Century Studios во обезбедувањето на продолжение на култниот филм од 2006 година „The Devil Wears Prada“, во кој таа ја повторува својата улога како Миранда Пристли. Иако наводно можела да побара повеќе, таа се согласила на 12,5 милиони долари за филмот во режија на Дејвид Франкел.
Ен Хатавеј и Емили Блант, исто така, добиле иста сума, според повеќе извори. Сите три актерки наводно склучиле договор со „favored nations“, што значи дека Хетавеј и Блант добиле чекови од 12,5 милиони долари за нивното враќање во нивните улоги како Андреа Сакс и Емили Чарлтон.
Покрај нивните основни надоместоци, сите три ѕвезди добиваат и значителни бонуси поврзани со резултатите од бокс-офисот. Според истите извори, тие стимулации веќе почнале да се исплатуваат поради силниот одзив на публиката, а секоја од актерките би можела да заработи повеќе од 20 милиони долари ако филмот продолжи да привлекува гледачи.
Претставниците на „20th Century Studios“ и CAA, кои ги претставуваат сите три актерки, не ги коментираа информациите. Оригиналниот филм објавен во 2006 година беше направен со буџет од 35 милиони долари и заработи 326 милиони долари низ целиот свет.
Продолжението имаше буџет од 100 милиони долари, од кои голем дел, според Франкел, претходно беа потрошени за глумачката екипа. Филмот влегува во својот втор викенд од широката премиера, а проекциите сугерираат дека неговата глобална заработка наскоро би можела да надмине 300 милиони долари.