Домашната пилешка паштета е одличен избор кога сакате брз, вкусен и лесен оброк што можете да го послужите за појадок, вечера или како намаз со тост и свеж зеленчук.
За разлика од купените варијанти, домашната паштета има побогат вкус, без непотребни додатоци, а можете да ја прилагодите по ваш вкус со вашите омилени зачини.
Кремаста, миризлива и многу лесна за подготовка, оваа пилешка паштета ќе стане еден од рецептите на кои често ќе се враќате.
Наместо да купувате паштета во продавница, обидете се да ја направите домашна.
Состојки:
400 грама пилешко бело месо
1 глава црн кромид
1 чешне лук
1 китка магдонос
2 лажици сенф
2 лажици мајонез
1 лажица кечап
сок од 1/2 лимон
сол, бибер
прстофат кари по желба
малку власец
Подготовка:
Печете го белото месо во рерна. Искинете го на парчиња, а потоа ставете го во блендер. Додадете грубо исечкан кромид, чешниња лук, исечкани китки магдонос, сенф, мајонез, кечап, сок од лимон, сол и бибер по вкус, а ако сакате полута паштета, прстофат кари.
Изблендирајте сè заедно за убаво да се соедини и масата да стане компактна. Ставете ја паштетата во длабок сад и, ако сакате, наросете ја со малку власец.