Заморот, намалениот имунитет и лошото расположение можат да бидат знаци дека на телото му недостасува витаминот од сонцето.
Многумина веруваат дека со првите топли денови автоматски добиваме доволно витамин Д, но експертите предупредуваат дека реалноста честопати изгледа сосема поинаква. Иако пролетта носи повеќе сонце и поминување време на отворено, современиот начин на живот сериозно влијае на способноста на телото природно да го произведува овој важен витамин. Работата во канцеларија, престојот во затворен простор и факторите за заштита на кожата се само некои од причините зошто недостатокот може да трае со месеци.
Витаминот Д игра клучна улога во зајакнувањето на имунитетот, здравјето на коските и правилната функција на мускулите, но во последниве години се повеќе се зборува за неговото влијание врз расположението и нивото на енергија. Токму затоа многу луѓе се чувствуваат исцрпено, безволно или имаат чести настинки во текот на пролетта, иако очекуваат убавото време да ги врати во живот.
Особен проблем е фактот што симптомите на недостаток на витамин Д честопати остануваат незабележани. Хроничниот замор, болката во мускулите, опаѓањето на косата или лошиот сон често се припишуваат на стрес и исцрпеност, додека вистинската причина останува скриена. Затоа, лекарите сè повеќе препорачуваат проверка на нивото на витамин Д, особено по зимата кога резервите на телото се значително исцрпени.
Дополнителен предизвик е исхраната. Витаминот Д природно се наоѓа во мал број намирници како што се масната риба, јајцата и млечните производи, па затоа многу луѓе не успеваат да го внесат доволно само преку храна. Токму затоа суплементацијата станува сè повеќе дискутирана тема, особено кај луѓето кои ретко поминуваат време на директна сончева светлина.
Сепак, експертите предупредуваат дека суплементите не треба да се претера со употреба без совет од лекар. Најважно е да се најде рамнотежа помеѓу изложеноста на сонце, правилната исхрана и можните суплементи, бидејќи витаминот Д не е само сезонски проблем – туку важен сојузник за здравјето во текот на целата година.