Двојката го кажа своето судбоносно „Да“ во Градското собрание на Олд Мерилебон.
Пејачката Дуа Липа (30) и актерот Калум Тарнер (36) се венчаа во недела, 31 мај, на интимна церемонија во Градското собрание Олд Мерилебон во Лондон.
Двојката беше опкружена само со најблиските членови на семејството и пријателите, а фотографиите објавени од „Дејли меил“ и „Сан“ ги прикажуваат во опуштена, но елегантна атмосфера. Дуа Липа носеше фустан од „Скијапарели“ од дизајнерот Даниел Роузбери, со бели ракавици, чевли од Кристијан Лубутен и голема бела шапка од Стивен Џонс. Калум избра темно сино одело и вратоврска.
Претставниците на славната двојка не дадоа веднаш коментар за венчавката.
DUA LIPA IS OFFICIALLY MARRIED, OH MY GOD 😭❤️ pic.twitter.com/Hcfe15llm7
— dua lipa crave (@addictionlipa) May 31, 2026
Потврдена свршувачка
Дуа Липа претходно ја потврди својата свршувачка во интервју за британскиот „Вог“ во јуни 2025 година, кога изјави дека планира да се омажи по нејзината светска турнеја. Двојката првпат беше поврзана јавно на почетокот на 2024 година, а официјално ја потврдија својата врска на Инстаграм во јули истата година.
Пејачката во тоа време изјави дека идејата за брак ѝ дала нова перспектива и дека го гледа бракот како одлука за заеднички живот и пријателство.
Таа исто така откри дека сака семејство еден ден, но дека не сака да брза, туку дека сè ќе се случи кога ќе дојде вистинското време.