Естрогенот помага во заштитата од срцеви удари, а по менопаузата, неговите нивоа се намалуваат.
Ризикот од срцеви удари и кај мажите и кај жените се зголемува со возраста, а д-р Лиза Ферведер, истражувач за кардиоваскуларни болести на клиниката Мајо, вели дека жените кои поминале низ менопауза, без оглед на нивната возраст, имаат најголем ризик од срцеви удари.
Причината за ова е што нивото на естроген се намалува по менопаузата и дека жените по менопаузата треба да обрнат внимание на здравјето на своето срце.
- Појавата на плак по менопаузата се менува, па затоа се зголемува и можноста за нејзино пукање. Жената потоа изгледа, од имунолошка гледна точка, како маж – вели д-р Ферведер во видео на YouTube.
Како естрогенот помага во заштитата од срцеви удари?
Докторот рече дека естрогенот помага во заштитата од срцеви удари со спречување на воспаление кое придонесува за акумулација на плак во коронарните артерии, а со оглед на тоа што нивото на естроген нагло паѓа по менопаузата, работите се менуваат.
„Естрогенот е тој што им обезбедува на жените заштитен ефект од срцеви заболувања, поради што ризиците се зголемуваат кај жените по менопаузата и подоцна во животот“, вели д-р Лиза.
Па што треба да прават жените по менопаузата за да останат здрави?
Докторот нагласи дека е потребно да се обрне внимание на факторите на ризик, а контролирањето на следниве работи може значително да го намали ризикот од срцев удар:
-контрола на крвниот притисок
-нивоа на холестерол
-одржување на здрава тежина
-редовно вежбање
-откажување од пушење