Ако размислувавте да направите мала преобразба на вашиот дом, сега е време за тоа, а една област што често ја занемаруваме кога станува збор за дизајнот на ентериер е влезот.
Ако не сте сигурни од каде да почнете, еве што имаат да кажат професионалните дизајнери на ентериер.
Осветлување
Осветлувањето често е резервирано за дневната соба и трпезаријата, но влезот е одлично место за ажурирање на осветлувањето и за давање модерен изглед на просторот.
- Може да биде едноставно како замена на сијалиците со посоодветна нијанса, па сè до замена на ламбата. Изборот на вистинските нијанси за осветлување за вашиот простор додава ниво на топлина и софистицираност и создава опуштена атмосфера за вас и вашите гости штом ќе пристигнат – вели дизајнерката Изабел Рунсеве за The Spruce.
Огледало
За дизајнерите на ентериер, ниту еден влез не е комплетен без огледало. Уште повеќе, огледалата помагаат да се осветли просторот, што ги прави речиси неопходни.
Големи предмети
Ако постои еден сигурен начин да оставите траен впечаток кај вашите гости, тоа е со додавање големи парчиња.
„Обожавам да додавам големи парчиња декор околу влезот затоа што овозможува стил во овој простор без пренатрупаност“, објаснува дизајнерката на ентериер Шантел Хартман Маларки. Помислете на големи фенери, свеќи и вазни. Сепак, нејзиното правило е да се избегнуваат други мали предмети.
Лични предмети
На крајот на краиштата, што е дом ако не е одраз на вас? На пример, ако сакате да читате, можете да додадете полица за книги во дневната соба, или ако сакате растенија, тие можат да се постават таму, само обрнете внимание на осветлувањето.