Јадењето специфична разновидност на свежа храна секој ден, наместо само пет порции овошје и зеленчук, може да биде клучно за одржување на здравјето на срцето, сугерира ново истражување.
Научниците велат дека не сите намирници се создадени еднакви, поради што многу луѓе не внесуваат доволно важна хранлива материја позната како флаваноли во нивната исхрана.
Според експертите, идеалниот начин да се внесат овие соединенија е да се јадат боровинки, сливи, капини, цреши и брусница, заедно со чаша зелен чај и грав од фава.
Студија на 30.000 луѓе од САД и Велика Британија покажа дека овие хранливи материи често недостасуваат во нивната исхрана, дури и кај луѓето кои редовно консумираат препорачани пет порции овошје и зеленчук дневно.
Истражувањето објавено во научното списание „Food and Function“ открива дека помалку од една петтина од населението консумира препорачана количина од 500 мг флаваноли дневно. Овие антиоксиданси, кои се наоѓаат во одредени намирници, го намалуваат воспалението и на тој начин го поддржуваат здравјето на срцето, ја подобруваат циркулацијата и еластичноста на крвните садови.
За време на студијата, научниците ја следеле исхраната на испитаниците и анализирале биомаркери во нивната урина за прецизно да го измерат внесот на овие соединенија.
„Повеќето луѓе претпоставуваат дека јадењето многу овошје и зеленчук е одговорот. Сепак, ова истражување покажува дека специфичниот избор на храна е многу поважен од вкупната количина на изедена храна“, објаснува водечкиот истражувач д-р Хавиер Отавијани.
Неговиот колега, професорот Гинтер Кунле од Универзитетот во Рединг, додава дека иако правилото „пет на ден“ е сè уште вистинската порака, треба да бидеме повнимателни во врска со тоа која храна да ја избереме.
„Различните овошја и зеленчуци обезбедуваат сосема различни нутритивни придобивки што одат подалеку од само витамини и минерали“, истакнува Кунле.
Храната што содржи најмногу флаваноли вклучува сливи, брусница, капини, зелен чај, грав од фава, цреши, јаболка, јагоди и боровинки.