Турскиот влажен колач се нарекува и чоколадна верзија на тортата Tres leches, а најдоброто кај него е што е лесен за подготовка.
Рецептот за овој колач го најдовме на профилот на блогерката за храна Антонела Пинџух, а таа истакнува дека ова слатко е сочно, едноставно и вкусно, но и брзо за подготовка.
Состојки:
За пандишпанот:
- 5 јајца
- 6 лажици шеќер
- 150 мл масло
- 150 мл млеко
- 2 полни лажици какао
- 1 прашок за пециво
- 8 лажици брашно
За сосот:
- 600 мл млеко
- 1 ванилин шеќер
- 4 лажици шеќер
- 150 мл масло
- 2 полни лажици какао
- 100 г чоколадо за готвење
Подготовка:
Изматете ги јајцата на собна температура со шеќерот додека не посветлат. Додадете го млекото и маслото и кратко матете. Додадете го брашното просеано со прашок за пециво и какао и измешајте со шпатула.
Истурете во намастен плех за печење (36×20 см) и печете во рерна загреана на 170 степени 20 минути.
Загрејте го млекото на оган и додадете го шеќерот, маслото и какаото. Мешајте лесно и оставете да зоврие. Тргнете од оган и додадете го скршеното чоколадо и мешајте додека чоколадото не се растопи.
Оладете го сосот малку и прелијте го врз топлиот пандишпан што сте го исечкале на коцки и сте го избоцкале со вилушка за подобро да го впие. Потоа загрејте уште 200 мл слатка павлака и 100 г чоколадо за готвење во микробранова печка или на пареа и прелијте го врз целиот колач и лесно протнете нож низ местата каде што претходно сте го исекле за да колачот впие сè.
Можете да оставите малку од преливот за сервирање или да направите повеќе подоцна. Можете да го јадете колачот веднаш, или можете да го изладите.