Секоја година, кога времето станува потопло, се поставува истото прашање: дали можам да го користам кремот за сончање што го отворив минатото лето?
Истражувањето спроведено од Que Choisir, заедно со своите европски партнери, покажува дека некои креми за сончање можат повторно да се користат следното лето, ако се правилно складирани.
Сепак, постојат јасни знаци кои укажуваат кога кремот за сончање повеќе не треба да се користи.
- Непријатен мирис
Прво, помирисајте го кремот. Ако има расипан или необичен мирис, фрлете го. Таквиот крем повеќе не обезбедува сигурна заштита од сонце и може да предизвика иритација на кожата.
- Променета текстура
Добриот крем за сончање треба да биде мазен и униформен. Ако маслото излегува прво од тубата, а не кремот, тоа значи дека состојките се разделиле. Во овој случај, не го користете. Причината е што некои UV филтри се растворливи само во вода, додека други се растворливи само во масло, па можеби нанесувате само дел од производот што не обезбедува заштита на вашата кожа. Исто така, ако кремот е грутчест или изгледа чудно, време е да го фрлите.
- Горите и покрај тоа што го користите
Ако правилно сте го нанеле кремот и сепак горите, престанете да го користите, дури и ако на прв поглед изгледа нормално. Ова е знак дека повеќе не е ефикасен.
- Содржи октокрилен
Обрнете внимание на состојките. Ако кремот содржи октокрилен, хемиски УВ филтер кој може да се разгради во потенцијално штетна супстанца со текот на времето, не се препорачува повторна употреба, дури и ако изгледа добро.
Како правилно да се користи кремот за сончање?
Во некои случаи, кремот за сончање може да остане ефикасен до два месеци по датумот на истекување означен со симболот за отворена тегла (PAO – Период по отворањето). Корисен совет е да го напишете датумот кога првпат сте ја отвориле тубата со траен маркер. Ова ќе ви помогне да знаете дали е безбедно да се користи следното лето. Сепак, ова важи само ако кремот е складиран во соодветни услови: на собна температура, подалеку од топлина и влажност (на пример, не во бањата). Ако не сте сигурни како е складиран, подобро е да не ризикувате и да купите нов, советува Elle.