Кога летната жега пржи надвор и ви се јаде нешто на лажица, брза летна супа која дури и не бара шпорет е решението.
Оваа супа е многу едноставна за подготовка, а сè што ви треба е блендер. Гаспачо е ладна доматна супа. Многу е освежителна, вкусна и може да се подготви за малку пари.
Состојки:
500 г свежи жолти домати,
1 краставица, или околу 200 г,
1 свежа лута пиперка (ако не ви се допаѓа лута, изоставете ја),
1 свежа жолта слатка пиперка,
средината од парче бел леб,
листови магдонос,
сок од половина лимон (или по вкус),
маслиново масло,
сол, бибер
и доволно вода за да ја разредите супата по ваш вкус.
Подготовка:
Исечете ги доматите, краставицата, кромидот, пиперката и лебот на мали парчиња и додадете ги во блендерот. Ситно сомелете ги сите состојки во пире и префрлете ги во поголем сад.
Додадете сол и бибер, зачинете со сок од лимон по вкус и разредете со вода доколку е потребно до саканата густина на супата. Ставете сè во фрижидер добро да се олади.
Кога супата добро ќе се олади, послужете ја со посакуваниот прилог, а веќе препорачавме леб и парче сирење.
Можете исто така да додадете ситно сечкан зеленчук, краставица, пиперка и магдонос во целата супа по вкус.