Фотографиите го снимија и моментот кога Бак клекна пред Алесандро
Поранешниот ангел на „Викторијас сикрет“, Алесандра Амброзио (45), има голема причина за славење, по речиси две години врска, се сврши со австралискиот дизајнер и поранешен модел Бак Палмер.
Манекенката ја сподели добрата вест со своите следбеници објавувајќи романтични фотографии од Индонезија, каде што нејзиниот избраник реши да ја изненади со предлог на плажа.
Сè беше внимателно подготвено за овој посебен момент. Големо срце беше направено од ливчиња од роза на песокот, а двајцата беа сами на плажата, подалеку од толпите и љубопитните погледи.
Фотографиите го фатија и моментот кога Бак клекна пред Алесандра и ѝ го постави најважното прашање. Моделот, кој беше во бикини, не го криеше своето изненадување и среќа, а набрзо следеше и „да“.
Амброзио повторно привлече внимание со својот изглед и витката фигура, по кои е позната со години, но нејзината насмевка сепак беше во преден план. Романтичните снимки од плажа брзо го привлекоа вниманието на нејзините следбеници, кои испратија бројни честитки до идните младенци.