Кинеската платформа TikTok развива функција што ќе им овозможи на корисниците да си испраќаат пари едни на други преку директни пораки.
Според Bloomberg, кодот пронајден во iOS апликацијата сугерира дека корисниците би можеле да си испраќаат пари едни на други преку приватни пораки, слично на американската апликација Venmo.
Траги од оваа потенцијална функција се пронајдени во код скриен во тековната верзија на апликацијата TikTok за iPhone во Соединетите Американски Држави.
Доколку официјално се лансира, функцијата ќе го користи постоечкиот систем за плаќање на TikTok, кој веќе е достапен во Југоисточна Азија за купувања преку продавницата на TikTok.
TikTok изјави за Bloomberg дека функцијата моментално не се тестира, што укажува дека е сè уште во раните фази на развој.
Ова не е прв пат TikTok да се обиде да влезе во секторот за финансиски услуги, според TechCrunch.
Порано оваа година, Ројтерс објави дека TikTok аплицирал до централната банка на Бразил за лиценца за работа како компанија за финансиска технологија, нудејќи кредитни и платежни услуги.
TikTok не е единствената социјална мрежа што се свртува кон финансиски услуги, бидејќи платформата X, порано позната како Twitter, неодамна лансираше слична функција што им овозможува на корисниците да си испраќаат пари едни на други.