Тим Кари, легендарниот британски актер најпознат по улогата на д-р Франк-Н-Фуртер во култниот филм „The Rocky Horror Picture Show“, почина на 80-годишна возраст.
Според информациите објавени од TMZ, Кари починал во вторник вечерта во својот дом во Лос Анџелес. Според извори блиски до случајот, полицијата пристигнала во неговиот дом околу 23:23 часот. Нема индикации дека станува збор за насилна смрт.
Кари ја започнал својата кариера кон крајот на 1960-тите, а неговиот голем пробив била улогата на д-р Франк-Н-Фуртер во филмот „The Rocky Horror Picture Show“. Иако филмот на почетокот не бил особено воодушевен од критичарите, на крајот добил култен статус и станал едно од најпрепознатливите достигнувања во историјата на киното.
Бројни генерации гледачи го паметат и како застрашувачкиот кловн Пенивајз во телевизиската адаптација од 1990 година на романот на Стивен Кинг „It“. Тој го играше и г-дин Хектор во филмот „Home Alone 2: Lost in New York“.
За време на неговата богата кариера, тој играше и улоги во филмовите Annie”, “The Hunt for Red October”, “Muppet Treasure Island”, “Addams Family Reunion” и “Scary Movie 2”.
Покрај неговата филмска и телевизиска кариера, Кари беше активен и на сцената. Сепак, во последните години, неговата професионална активност е забавена поради сериозни здравствени проблеми.
Кари доживеа тежок мозочен удар во 2012 година, по што беше подложен на операција на мозокот. Последиците од мозочниот удар значително влијаеја на неговото движење, како и на говорот, што бараше долго закрепнување.
Минатата година, кога ги објави своите мемоари „Vagabond“, Кари зборуваше за својата здравствена состојба и откри дека сè уште не може да оди.
Тим Кари беше запаметен по низа впечатливи и честопати необични ликови, но за многу филмски фанови тој засекогаш ќе биде д-р Франк-Н-Фуртер од „The Rocky Horror Picture Show“, улогата што ја одбележа неговата кариера.