Блејзерот е безвременско модно парче што лесно се комбинира со разни други парчиња облека. Може да се носи самостојно – како замена за јакна или капут – или како дополнителен слој под нив. Достапен во различни кроеви и бои, тој совршено се вклопува во различни стилови и прилики, што го прави одличен избор како за дневни, така и за вечерни комбинации. Еве неколку предлози за стилизирање за претстојната сезона:
- Блејзер со фармерки и бела маичка
Комбинирањето на блејзер, фармерки и бела маичка е едноставен, но впечатлив избор за на работа. Оваа комбинација е подеднакво соодветна за важни деловни состаноци и за лежерно излегување низ градот.
- Блејзер и миди здолниште
Ова е уште една совршена комбинација за на работа, како и за дружење или вечера надвор.
- Блејзер, макси здолниште и балетанки
Балетанките и блејзерите се задолжителни парчиња за претстојната сезона и белег на префинет стил. Во комбинација со макси здолниште, тие создаваат изглед што е истовремено елегантен и опуштен.
- Блејзер со панталони во иста боја и папучи
Во доцните летни денови, можете да носите горни делови со долги ракави, а сепак да изберете отворени чевли.
- Блејзер, модерни панталони и патики
Комбинирањето на блејзер со патики создава ненаметлив, лежерен изглед. Оваа комбинација изгледа одлично, особено кога патиките се стилски, а панталоните се добро скроени.
- Блејзер и бермуди
Ова е опуштена комбинација со која сигурно нема да останете незабележани.
- Блејзер и мини-фустан
Ова е совршена комбинација за вечерен излез. Дополнете ја со интересен накит, чевли и чанта.