Ова го решава проблемот со студени стапала.
Лошата циркулација може да предизвика вашите стапала и раце постојано да ви бидат ладни, дури и кога седите на топло место и носите волнени чорапи. Еве како природно да го подобрите протокот на крв:
Јадете лути пиперки
Зачинетата храна ги шири крвните садови и го зголемува протокот на крв, го стимулира кардиоваскуларниот систем и помага во одржувањето на нормален крвен притисок, па вашите стапала и раце ќе бидат топли. Јадете лук, лути пиперки , ѓумбир.
Храна богата со фолна киселина
Фолната киселина помага во формирањето на црвените крвни зрнца и спречува анемија, додека недостатокот влијае на згрутчувањето на крвта. Вклучете темнолистен зеленчук (спанаќ, зелена салата), домати, брокула, банани, грашок, грав, јаткасти плодови, пченка во вашата исхрана.
Подигнете ги нозете 20 минути
Подигнувањето на стапалата над нивото на срцето го намалува притисокот во нозете, ги опушта и го намалува оптоварувањето на крвните садови. Држете ги стапалата подигнати не повеќе од 20 минути на ден. Можете да користите и креми за уморни нозе за дополнително ублажување на чувството на тежина.