Експертот за бањи и системи за греење, Ант Лангстон, откри како да спречите завесата за туширање да се лепи за вас додека се туширате.
Како што истакнува тој, една од најдосадните работи во бањата е кога завесата за туширање се лепи за нозете.
Зошто завесата се поместува навнатре?
Завесата обично се поместува навнатре поради струењето на воздухот. Како што објаснува Лангстон, млазот вода го движи воздухот и создава вртлог во просторот за туширање. Во неговиот центар се формира зона со низок притисок, која ја повлекува лесната завеса навнатре.
Овој ефект може да биде поизразен ако млазот на тушот е многу силен, ако бањата е мала или ако вентилаторот за извлекување воздух влијае на струењето на воздухот.
Како да спречите завесата да ви пречи?
Наједноставното решение е внатрешна завеса (постава) со отежнат долен раб или со магнети што ја држат прилепена за кадата. Можат да помогнат и водоотпорни магнети, вакуумски држачи или мали тегови што се прикачуваат.
Заоблената шипка за завесата е уште еден добар трик; таа обезбедува повеќе простор и ја намалува веројатноста завесата да ве допира додека се туширате.
За брзо решение, можете да го намокрите долниот раб на завесата и да го притиснете за страната на кадата пред да започнете со туширање.
Ако завесата сепак продолжи да ви пречи, Лангстон предлага стаклена преграда како трајно решение, со што целосно се елиминира проблемот со поместувањето на завесата.