Сè повеќе луѓе ја воведуваат оваа навика пред ручек.
Високите нивоа на холестерол доведуваат до насобирање на плаки во крвните садови, што може да предизвика срцеви заболувања, мозочен удар и други здравствени проблеми. Високите нивоа на шеќер во крвта, исто така, можат да предизвикаат сериозни здравствени проблеми доколку не се лекуваат.
Француската биохемичарка Џеси Инчаспи, разговарајќи со Стивен Бартлет во неговиот подкаст „Дневникот на еден извршен директор“, спомена дека решението за овие проблеми е оцетот. Инчаспи е авторка на најпродаваните книги „Револуцијата на глукозата“ и „Методот на божицата на глукозата“. Според неа, оцетот е одличен избор за оние кои сакаат да го намалат шеќерот во крвта , холестеролот и зголемувањето на телесната тежина.
„Оцетот содржи оцетна киселина, која реагира со вашите дигестивни ензими за да го намали скокот на гликоза во оброкот до 30 проценти“, рече биохемичарката. Таа препорачува луѓето да измешаат една лажица од кој било оцет (јаболков оцет или бел оцет) со чаша вода и да ја пијат околу 10 минути пред најголемиот оброк во денот. Ова може да го намали скокот на гликоза од храната за дури 30 проценти. Таа, исто така, забележува дека ќе имате намален апетит.
Џеси ги тестираше своите совети во едномесечна студија во која учествуваа 2.700 луѓе од 110 земји, на возраст од 20 до 70 години. Експериментот вклучуваше усвојување на еден од нејзините здрави оброци секоја недела во текот на еден месец. Ова вклучуваше: јадење солен појадок четири недели, консумирање една лажица оцет еднаш дневно три недели, предјадење од зеленчук две недели и прошетка по оброците во текот на последната недела. Неверојатни 90 проценти од луѓето што учествуваа забележаа намалување на желбата за храна и зголемување на енергијата. Тие исто така забележаа позитивни ефекти врз спиењето, хормоните, кожата, расположението и контролата на дијабетесот.