Рузмаринот одамна е познат како лековито растение кое ја поттикнува циркулацијата и ја штити кожата од воспалителни процеси; дерматологот од Њујорк, д-р Мишел Хенри, препорачува негова секојдневна употреба за нега на косата.
Според неа, рузмаринот поседува антиоксидантни својства кои помагаат во заштитата на косата и скалпот. Понатаму, преку подобрување на циркулацијата, докажано е дека тој го поттикнува растот на косата и ги зајакнува нејзините корени.
„Затоа, наместо масло, во текот на денот користете вода од рузмарин; за околу три месеци ќе забележите промени во квалитетот на вашата коса“, изјави таа.
За да ја подготвите оваа вода, потребни ви се пет гранчиња свеж рузмарин, две шолји дестилирана вода и шише со распрскувач.
Како да ја подготвите?
Ставете ги гранчињата рузмарин во сад со вода и оставете ја да зоврие. Оставете ја да врие на тивок оган 15 до 20 минути. Водата треба да добие жолтеникаво-зелена нијанса. Тргнете ја од огнот и оставете ја да отстои уште половина час. Процедете ја течноста и сипете ја во шише со распрскувач.
Како да ја користите? Исчешлајте ја косата и испрскајте го скалпот неколку пати во текот на денот. Со врвовите на прстите масирајте ја кожата околу една минута. Чувајте ја водата во фрижидер.