Вечните ривали, Реал Мадрид и Барселона, имаа одлични, па може да се каже и застрашувачки настапи во првото коло на Примера. Заедно дадоа 11 гола, а не примија ниту еден. Уште од првото коло може да се забележи дека до крајот на шпанското првенство ќе се води мртва трка помеѓу овие два тима.
Во неделата, Реал Мадрид на гости ја декласираше Сарагоса со 6-0. Најдобар поединец, стандардно, беше португалската ѕвезда Кристијано Роналдо кој постигна хет-трик. Стрелци на другите голови, беа Марсело, Чаби Алонсо и бразилецот Кака.
Роналдо беше скромен и после натпреварот изјави: „Сакам да му честитам на тимот за победата. Јас успеав да постигнам 3 гола поради моите соиграчи”.
Во понеделникот, Барселона на домашен терен го демолираше тимот на Виљареал со 5-0. Целиот натпревар Барселона го играше во чудна формација, поради тоа што од тимот отсуствуваа Пике, Пујол и Даниел Алвес, стандардните првотимци од дефанзивната линија. И покрај тоа, тие го прегазија Виљареал со головите на Тиаго, Цеск Фабрегас, Санчез, и Меси, кој постигна два гола.
Следното коло Реал Мадрид на Сантијаго Бернабе игра со Гетафе, додека Барселона на Аноета со баскијскиот клуб Реал Сосиедад. Останува прашање со колку голови ќе пројдат Гетафе и Реал Сосиедад?