На петкратниот шампион Роже Федерер му требаа само еден час и 17 минути за да го победи Израелецот Дуди Села со 6-3, 6-2, 6-2. Федерер имаше 31 винер и 5 брејка од 11 можности. Тоа беше негова 225та победа во Гренд слем турнирите, и стана втор според оваа категорија. Повеќе од него има само Џими Конорс, 233 победи.
Хрватот Марин Чилиќ лесно го победи австралианецот Бернард Томич со 6-1, 6-0, 6-2. Џо Вилфред Цонга исто така се пласираше во третото коло победувајќи го украинскиот квалификант Сергеј Бубка 6-3, 7-5, 6-2. Понатаму продолжија и Марди Фиш, Бердих и Јанко Типсаревиќ.
Ана Ивановиќ среќно се пласираше во третото коло. Нејзината противничка, чешката тенисерка Петра Цетковска, го предаде мечот поради повреда. Јелена Јанковиќ во интересен меч против Јелена Докиќ победи со 6-3, 6-4. Во следното коло се и Серена Вилијамс, Марија Шарапова, Франческа Скиавоне, Светлана Кузнецова и Андреа Петковиќ.