Овој пат се потрудивме да ви помогнеме при изборот на полици за книги. Се надеваме дека овие креативни и иновативни модели ќе ви бидат барем показател за да се одлучите што вие сакате да направите од вашиот дом и во кој стил сакате да го уредите.
Тука имате феноменални идеи како да го искористите просторот, особено кога се работи за големи простории и нефункционални ќошиња. Сигурни сме дека барем некогаш сте се нашле во ситуација да не знаете со што паметно да го пополните празниот простор. Полиците за книги се истовремено и функционални и како детаљ можат да бидат одлична декорација за вашиот дом.
Денес, можете да ги најдете во било која боја и во милиони различни дизајни и големини. На крај, и вие самите можете да бидете сопствени дизајнери. Полиците слободно искористете ги и за рамки за слики, некое цвеќе и било што ќе ви падне на памет, а одлично се вклопува во целосниот ентериер.
На сликите ви даваме дваесетина идеи за полици кои можат да бидат ваша инспирација и поттик за промена. Ѕирнете ги!