Ричи Морети (десно), како и други членови на персоналот на болницата за желки во Маратон, Флорида, вчера ја извршија последната проверка на здравјето на големата морска желка (Loggerhead) која е на заштитен вид во САД, пред да ја пуштат на слобода во близина на болницата.
Желката била пронајдена на почетокот на август со стрела од харпун забодена во нејзината глава, која била хируршки отстранета од страна на ветеринарите во болницата. Цела среќа стрелата не погодила ниту една витална точка, по што желката брзо се опоравила. Жителите на малото место каде била пронајдена погодената желка, собрале 16.000 долари кои ги нудат како награда за оној кој ќе го пронајде виновникот.
