Манчестер Јунајтед продолжува да гази во новата сезона, и со 3-1 на Олд Трафорд го победи главниот конкурент за титулата, тимот на Челзи. Головите ги постигнаа Крис Смолинг, Нани и Руни за Јунајтед, додека за Челзи конечно погоди Фернандо Торес. Иако постигна прекрасен погодок, сето тоа остана засенето по неверојатното промашување кое може да го видете во видеото подоле. Сити не успеа да победи во Лондон. Иако имаше водство против екипата на Фулам од 0-2 со головите на Агуеро, сепак на крај резултатот беше 2-2. Тотенхем пак забележа убедлива победа од 4-0 над екипата на Ливерпул.
Екипата на Жозе Мурињо, Реал Мадрид, забележа пораз на гостувањето во Валенсија од екипата на Леванте. Единствениот погодок го постигна Аруна Коне во 68-та минута. Реал Мадрид од 40-тата минута играше без исклучениот Семи Кедира. Поразот дојде во незгоден момент, бидејќи најголемиот ривал Барселона, во саботата, забележа победа од неверојатни 8-0 над екипата на Осасуна.
Во италијанското првенство, шампионот Милан забележа пораз на гостувањето во Неапол од 3-1. Своја вечер имаше Уругваецот Единсон Кавани кој постигна хет-трик. Како замена настапи и нашиот репрезентативец Горан Пандев. Јувентус и Удинезе очекувано забележаа победи, додека Лацио на домашен терен беше изненадувачки поразен од Џенова. Саботно дерби помеѓу екипите на Интер и Рома, заврши без голови.
Промашувањето на Торес:
http://www.youtube.com/watch?v=mDCSir4TY5o