Заврши победничката серија на Манчестер Јунајтед во Премиер лигата, и тоа на првиот натпревар на кој поради повреда не настапи Вејн Руни. Јунајтед, на Британија стадионот, против тврдата екипа на Стоук, одигра 1-1. Нани му донесе водство на Јунајтед, но во второто полувреме израмни Питер Крауч.
„Мислам дека Вејн веројатно ќе биде надвор од терените две недели, не сум баш сигурен. Повредата не е сериозна, но беше доволна за тој да не може да игра денес. Мајкл Керик се повреди вчера, па згора на се на тренингот пред натпреварот се повреди и Џони Еванс,” изјави Ферги по натпреварот со Стоук.
На другите натпревари од Премиер лигата фаворитите забележаа победи. Манчестер Сити го победи Евертон со 2-0, со головите на Балотели и Милнер. Челзи го победи Свонси со 4-1, со головите на Торес (кој доби и црвен картон), Рамирез и Дидие Дрогба. Арсенал го победи Болтон со 3-0, со головите на Ван Перси и Сонг, додека Ливерпул победи со 2-1 против екипата на Вулверхемптон.