Американскиот кошаркар Коби Брајант и италијанскиот клуб Виртуз од Болоња постигнале устен договор за соработка во оваа сезона, пренесе вчера агенцијата Associated прес.
Се наведува дека Брајант за 40 натпревари, колку што има во делот од лигата на италијаското првенство, ќе заработи 2.2 милиони евра.
Исто така тој ќе има можност да ја напушти Италија и да се врати во Лос Анџелес Лејкерс, ако во текот на првите десет натпревари биде прекинат штрајкот на играчите во американската NBA лига, ни изјави близок извор од клубот.
Голем број на американски кошаркари, се одлучија ова лето да ја напуштат NBA лигата и да прејдат во некоја друга земја поради lock out. Брајант се одлучи за Италија, затоа што како дете неколку години живеел во таа земја.
Италијанското првенство би требало да почне на 09 октомври, но постои можност распоредот на натпреварите д биде променет, бидејќи Венеција неодамна беше додадена како 17 тим во лигата.
Коби Брајант од почетокот на професионалната кариера, 1996 година играше за Лос Анџелес Лејкерс, со кои освоија пет титули NBA титули.