Во Гинисовата книга на рекорди ќе најдете многу непознати личности кои се прославиле со нивните рекорди, но ќе најдете и имиња на многу познати холивудски ѕвезди. Погледнете кои се „фацки“ се гинисови рекордери!
Во моментот најгледана серија во светот е „Д-р Хаус“, која во еден момент ја гледале 81.8 милиони луѓе во 66 земји. Според тоа, актерот Хју Лори, кој заработува 390.000 долари по епизода е најгледаниот актер во моментот на телевизиските екрани. Но, и покрај популарноста на др. Хаус, гинисовиот рекорд за најгледан телевизиски актер сеуште го држи познатиот чувар на плажата Дејвид Хаселхоф.
Холивудската актерка Сандра Булок ја држи титулата за најплатена актерка бидејќи минатата година заработила 54,6 милиони долари. Најплатен актер е Џони Деп, кој во истиот период заработил 73,3 милиони долари.
Најплатена дете-ѕвезда е Ангус Ти Џонс, кој за својата улога на Џејк Харпер во „Два и пол мажи“ заработува 245.000 долари по епизода, додека најплатена тинејџер-ѕвезда е Миранда Косгров од иКарли, која заработува 176.000 долари по епизода.
За најгледан пренос во живо е прогласена кралската венчавка на принцот Вилијам и Кејт Мидлтон. Ројал Ченел, официјалниот ЈуТјуб канал за Британската монархија, за време на свадбената церемонија го гледале 72 милиони луѓе, повеќе од инаугурацијата на Барак Обама.
