Најголемиот дијамант на светот „ Сончевата капка “ ќе се најде на аукција во текот на ноември.
Овој 110,3 каратен дијамант е откриен во 2010 година во Јужна Африка има облик на круша и го нарекуваат „ Сончевата капка “. Се очекува цената на овој жолт дијамант да достигне цена и до неверојатни 15 милиони долари. Аукциската куќа „Сотби“ го прогласи овој дијамант за најголемиот жолт дијамант во светот кој има облик на круша.
„Овој дијамант е импресивен и ве остава без здив“ – изјавил Дејвид Бенет, еден од раководителите на аукциската куќа „Сотби“. „Ова несомнено е еден од најголемите дијаманти кои некогаш се појавиле на аукција и се разбира и кај нас“ – додал тој.
Пред продажбата во септември дијамантот ќе направи светска турнеја тргнувајќи од Хонг Конг, градот кој е познат како трет најголем аукциски центар во светот после Њујорк и Лондон.
