Британските таблоиди објавиле дека поранешниот “Битлс” Пол Макартни в недела во Лондон ќе се венча со неговата свршеница Ненси Севел, пренесуваат светските агенции.
Голем број на папараци и љубопитни луѓе се собрале пред домот на Пол каде што ќе се одржи венчавката. Според таблоидите, двојката ќе се венча во општината во централната област Мерилбон во Лондон.
На истото место, во 1969 година, поранешниот “Битлс” стапил во брак со Линда Истман која во 1998 година починала од рак.
Портпаролот на Пол Макартни одбил да ги коментира написите во врска со датумот на венчање. Макартни (69) и Ненси (51) поставиле оглас за венчање во општинската зграда во септември годинава, но официјалните лица објасниле дека тоа може да значи дека музичарот и богатата американска наследничка би можеле да се венчаат во било кое време следната година.
Познатиот музичар зад него, има брак и со Хедер Милс, во период од 2002 до 2008 година.