Компанијата „Џек Даниелс“ е една од ретките компании во светот која може да се пофали со дури шест гинисови рекорди. И тоа сите постигнати во еден ден, на прославата на 161 годишнината од компанијата во Њујорк.
Првиот гинисов рекорд на „Џек Даниелс“ е најголемиот мозаик од шишиња на светот, за кој биле употребени 2120 шишиња од познатото виски за формирање на ликот на Џек Даниелс, кој бил долг 5.5 метри и широк 4.36 метри.
Втор гинисов рекорд на оваа компанија е најголемото шише за виски во светот, кое собира 184 литри виски. Шишето е високо 1.52 метри и има дијаметар од 48.5 сантиметри.
Третиот рекорд на церемонијата го поставила вработена во „Џек Даниелс“, која за само 10.56 секунди успеала да нареди пирамида од 20 чаши.
На прославата 250 луѓе започнале да пејат Happy Birthday со свеќа во рака, а потоа сите во еден момент ги изгаснале свеќите, со што поставиле рекорд за најмногу луѓе кои симултано изгасиле свеќа.
Уште еден рекорд беше срушен кога 19 луѓе вработени во „Џек Даниелс“ започнаа да свират на 475 стаклени шишиња со што го срушиња рекордот за најмногу шишиња вклучени во еден перформанс.
Последниот гинисов рекорд беше срушен кога дури 1075 луѓе ја потпишаа роденденската честитка на „Џек Даниелс“, со што картичката влезе во гинисовата книга на рекорди како честитка со најмногу потписи.
