Фановите на Супермен кои се собраа во Алберта, Канада поставија интересен нов светски рекорд за најмногу луѓе на едно место облечени во Супермен костим.
На настанот, кој го организирала канадската компанија за енергија Нексен, се собрале 438 лица облечени како познатиот суперхерој, со што го срушиле претходниот гинисов рекорд од 288 лица кој беше поставен лани во Ирска.
Всушност, овој настан требаше да го привлече вниманието на јавноста кон хуманитарната кампања на Нексен, која започна под логото „Биди суперхерој“.
За сите учесници на овој настан енергетската команија го обезбедила препознатливиот костим на Супермен. Браво за Нексен и се надеваме дека ќе успеат да им помогнат на многу луѓе со својата хуманитарна кампања. А и дека во иднина повторно ќе организираат некој интересен настан!