Асанж во самица поради негова безбедност

Основачот на интернет страницата Викиликс Џулијан Асанж, кој од вторникот се наоѓа во затвор во Лондон поради наводно силување, е премесен во самица, известила адвокатот Џенифер Робинсон од тимот што го застапува. Лондонскиот затвор Вандсворт, каде се наоѓа Асанж, одлуката ја донел “поради негова безбедност“, рекла за Франс прес Робинсон.
“Бевме загрижен поради можните проблеми со неговата безбедност, но не баравме да биде префрлен во самица“, изјавила таа. Британскиот весник “Гардијан“ објавни дека “затворениците изразиле голем интерес за Асанж“, што ја оправдува одлуката на затворската управа да го премести в самица.