Deprecated: explode(): Passing null to parameter #2 ($string) of type string is deprecated in /home/popara/public_html/wp-content/themes/bold-news/views/author_reviews.php on line 4
Одборот на директори на интернет корпорацијата ICANN изјави дека пуштањето на апликацијата за домен само за порнографија – ХХХ, се движи напред. Во случај да не знаете, ICANN e калифорниска непрофитна организација, одговорна за издавање на одобренија за администрација на домените “org“, “com“ и сличните на нив. Во текот на изминатите години, ХХХ предизвика бурни реакции. ICM вели дека ХХХ домените ќе бидат добри за бизнис, ветувајќи им на возрасните забава, поголемо задржување на сајтовите и помалку поплаки. На овие домени ќе има ефективно етикетирање на содржините, така што поединците и пребарувачите ќе знаат дека сајтовите содржат забава за возрасни.
Треба да се забележат три работи:
Доколку овие домени бидат конечно одобрени, сајтовите за возрасни ќе имаат можност за користење на “ххх“. Тоа значи дека неколку популарни порнографски сајтови кои функционираат со “com“, најверојатно ќе формираат уште еден со “ххх“. Антипорнографските кампањи сметаат дека оваа одлука не прави ништо друго освен озаконување на индустријата.
Оваа идеја не им се допаѓа на сите што се во индустријата. Лари Флинт од “Хастлер“ изјавил дека ХХХ е опасна идеја, која нема вистинска цел.
Погрешно е да се гледа на ова како на завршена работа. Многу наслови велат дека ХХХ домените се одобрени, а всушност не се. ICANN изјави дека спроведувањето на процесот оди напред, но очигледно постои непријатност и пречки околу донесување на одлуката.