Македонија денес го очекува извештајот на Европската Комисија

ЕК денеска треба да го објави годинешниот извештај за тоа како Македонија напредувала во реформскиот процес на патот кон Европската Унија. Очекувањата од извештајот се дека тој ќе биде објективен и реален, а ќе донесе и потврда на препораката за почнување преговори меѓу Македонија и Унијата. Претставниците на Унијата во земјава, најавувија дека извештајот ќе биде реален, но ќе ги содржи и сите пофалби и критики за работата на македонските инсититуции. Она што можеше да се дознае пред извештајот да биде објавен е дека во него ќе биде наведено дека се неопходни поголеми напори за независноста на судството, реформите на јавната администрација и слободата на медиумите.