Обама: Подготвени сме да ја браниме Јужна Кореја

САД се подготвени да ја бранат Јужна Кореја, изјавил американскиот претседател Барак Обама. Неговата изјава доаѓа по вчерашната размена на оган меѓу двете Кореи. “Јужна Кореја е наш сојузник од Корејската војна. Силно ја потврдуваме нашата решителност да ја браниме Јужна Кореја како дел од тоа сојузништво“; рекол Обама за телевизиската мрежа АБС. За него нападот од Северна Кореја бил уште еден провокативен инцидент. “Силно го осудуваме тој напад и настојуваме да ја собереме меѓународната заедница за вршење притисок врз Северна Кореја“, посочил американскиот државник. Посебно ја споменал Кина, која се споменува како главен сојузник на Пјонгјанг.

Извор: Нетпрес www.netpress.com.mk