Во саботата вечерта беше пркинато емитувањето на познатиот германски квиз ‘Wetten dass ?’, кога еден од натпреварувачите се здоби со тешки повреди. Ова е квиз, кој е многу познат во Германија, каде како гости се појавиле најголемите ѕвезди од шоу бизнисот. Во моментот го следеле околу 10 милиони гледачи. Како гости на ова шоу биле најавени Џастин Бибер, Роби Вилијамс, Фил Колинс , и актерката Камерон Дијаз. Но, еден од натпреварувачите, Самоил Кох, 23, паднал во обид да го прескокне автомобилот кој се движел на сцената. Тој веднаш бил пренесен во болница, заради големите повреди. Му била направена операција, но сеуште е нејасно дали Кох целосно ќе закрепне, тој сеуште се наоѓа во критична состојба, изјавиле од болницата.