Северна Кореја се заканила со нови напади

Северна Кореја се заканила со нови напади на Јужна Кореја. Пјонгјанг ги обвинил САД за неодамнешната престрелка, во која загинале четворица жители на Јужна Кореја, јави агенцијата Јонхап, пренесува Нетпрес.

Доколку биде предизвикана, државата без размислување ќе возврати на втори и трети силни одмазднички удари, било наведено во официјалното соопштение.

Подолу во истото, се обвинува Сеул дека ги влошил односите на полуостровот со “невнимателна воена провокација“ и со одложување на хуманитарната помош, како и со тоа што го исфрла од колосек процесот на подобрување на меѓукорејските односи и доведува до раб на војна.

Извор: Нетпрес