Сообраќајна несреќа во Албанија 9 мртви 41 повредени

Девет лица загинаа, а 41 се повредени во тешка сообраќајна несреќа синоќа на југот на Албанија во близина на селото Зиај, 150 километри од Тирана. Од повредените лица 5 се наоѓаат во критична состојба. До несреќата дошло, кога автобусот излетал од патот и паднал во провалија длабока околу 100 метри. Според изјавите на повредените, возачот грчки држајанин, цело време зборувал на телефон и можно е да бил во алкохолизирана состојба. Возачот поминал со полесни повреди, а властите изјавиле и дека во тој дел од земјата имало невреме, и првичните информации дека до несреќата дошло поради лошите временски услови и лизгавиот пат. Повеќе од сто пожарникари ги ваделе преживеанти од уништениот автобус.