Мистеријата која со години го интригира светот на уметноста, конечно е решена. Тајната на насмевката на Мона Лиза е откриена. Имено, француските музејски реставратори со рендгенски снимки утврдиле дека насмевката на познатата слика е насликана со прсти и нанесувана полни четири години, бидејќи на платното не се најдени траги од четка. Хрватскиот академски сликар Дамир Медвешек, кој има насликано 37 интерпретации на Мона Лиза, верува дека Да Винчи нанесувал глазура преку 40 пати. На прашањето како еден сликар знае кога нанесувањето на слоеви или глазура е доволно, тој објаснува дека сликарот едноставно го чувствува тој момент. Дали Мона Лиза се смее, не може да одговори ни тој. Медвешек вели дека десниот крај на усната е издолжен во мала насмевка и тука има повеќе машки отколку женски црти.