Малкумина знаат дека покојниот либиски лидер, при крајот на минатиот век дизајнирал автомобил во стил на Џејмс Бонд, за кој во Либија се тврдеше дека е најбезбеден на светот.
Автомобилот е претставен во 1999, на прославата на 30-годишнината од воениот пуч со кој Гадафи дошол на власт.
“Saroukh el-Jamhiriya (либиска ракета, ракетата џамахрија), е дизајнирана како лимузина која може да прими 5 патника, и има аеродинаминчни линии, и преден и заден дел во форма на ракета.
Внатрешноста на овој автомобил е опремена со доста воздушни перничиња, електронски одбранбен систем и посебна заштита при директен судар. Сите безбедносни додатоци се поставени по замисла на Гадафи.
Последната прототип верзија на “ракетата” е претставена во 2009 и имала 3.0-литарски V6 бензински мотор, а препознатлива карактеристика било тоа што можела да пројде 200 километри со пробушено тркало.
