“Говорот на кралот” награден уште еднаш, во пресрет на Оскарите

Колин Фирт ја доби наградата за најдобра машка улога во филмот “Говорот на кралот”, а Натали Портман е избрана за најдобра актерка благодарение на улогата во “Црниот лебед”, на седуманесеттото по ред доделување на наградите за најдобри филмски и актерски остварувања на Здружението на американски актери, пренесуваат американските медиуми. Овие награди што беа доделени синоќа во Лос Анџелес, во последните 62 години само шест пати погрешно “прогнозирале” кому ќе му припадне најпрестижната филмска награда, Оскарот. Наградата за најдобра споредна машка улога му припаднала на Кристијан Бејл за филмот “Борецот”, а за истиот филм наградата за најдобра женска споредна улога ја добила Мелиса Лео.

Извор: Нетпрес