40% од европските купувачи имаат намера да купат iPhone
30 јуни, 20110
Компанијата за истражување на пазарот Yankee Group најавила дека следниот месец ќе ја објави големата студија за европските корисници на мобилни телефони. Ова се прелиминарните резултати од тоа истражување.
Самото истражување вклучило 5000 корисници и 2250 работници во IT секторите во пет европски држави, Франција, Германија, Италија, Шпанија и Велика Британија.
Како што е објавено, 40% од корисниците кои имаат намера да купат од новата генерација паметни телефони, ќе се одлучат за iPhone. На второ место се уредите базирани на Android 19%, BlackBerry 17% и Nokia 15%.
“Овие резултати ја нагласуваат доминацијата на Apple на европскиот пазар за паметни телефони“, изјавил Деклан Лонерган, потпретседател на компанијата за истражување.