“Apple” ИТ компанија со најрентабилни работници

“Apple” е ИТ компанија која има најрентабилни вработени, доколку годишниот профит на компанијата се подели со бројот на вработените лица, според анализата на веб страницата “Pingdom”. Со оваа пресметка се доаѓа до цифрата 419.528 долари по вработен во “Apple”, пренеле француските медиуми.

Профитот на “Apple” по вработен е исто така за 1,25 пати поголем отколку оној на “Google”, а 1,71 пати поголем него на “Microsoft”.

На дното на листата во која беа вклучени “Apple”, “Google”, “Microsoft”, “Intel”, “Sisko”, “Adobe”, “Yahoo”, “Oracle”, IBM, “Amazon” и HP, се наоѓа “Dell” со околу 26.000 долари по вработен.